Tge documents èn en il DEP?

Il DEP cuntegna quellas infurmaziuns ch'èn impurtantas per Voss tractament. Tant las persunas spezialisadas dal sectur da sanadad sco er Vus sezza/sez pudais arcunar documents en il DEP.

Impurtant per autras persunas spezialisadas dal sectur da sanadad

Tge infurmaziuns ch'èn impurtantas per l'ulteriur tractament tar autras persunas spezialisadas dal sectur da sanadad decida la persuna spezialisada dal sectur da sanadad tractanta. Vus pudais però er pretender che tscherts documents na vegnian betg arcunads en Voss DEP. 

Per exempel depositescha la persuna responsabla per la tgira da l'ospital il rapport da sortida en il DEP, per che la collavuratura da la spitex sappia tge ch'ella sto resguardar tar la tgira d'ina pazienta.

Documents d'exempel da persunas spezialisadas dal sectur da sanadad:

  • glista da medicaziun actuala
  • rapport da sortida da l'ospital suenter in'operaziun
  • rapport da tgira da la spitex
  • attest da vaccinaziun actualisà
  • infurmaziuns davart allergias enconuschentas
  • diagnosas radiograficas

Sche las persunas spezialisadas dal sectur da sanadad actualiseschan ils documents existents, restan las anteriuras versiuns disponiblas en il DEP.

 

Documents persunals impurtants

Vus pudais depositar agens documents en il DEP, sche quai è impurtant ord Vossa vista. Quels pudais Vus er metter a disposiziun sur il DEP a las persunas ch'èn responsablas per Voss tractament, sche quai è necessari.

Depositar agens documents en il DEP

Documents d'exempel che Vus pudais arcunar sezza/sez en il DEP:

  • anteriuras diagnosas radiograficas u anteriurs resultats dal labor
  • diari da las dolurs manà da Vus sezza/sez
  • valurs da la pressiun dal sang or d'ina app
  • recept per ils egliers
  • disposiziun da la pazienta u dal pazient
  • attest da donaziun d'organs

 

Infurmaziuns davart l'attest da donatura u donatur d'organs

Infurmaziuns davart la disposiziun da la pazienta u dal pazient

Infurmaziuns supplementaras per persunas spezialisadas:

Testen Sie Ihr EPD Wissen

Wie gut kennen Sie das EPD?

Testen Sie Ihr Wissen mit 10 Fragen! Sie finden hier die wesentlichen Informationen zum EPD zusammengefasst und mit Kontrollfragen ergänzt.