Tge pussaivladads porscha il DEP?
Cun il DEP vegn a sa midar cleramain il barat da documents medicinals: el vegn pli simpel, pli svelt e pli segir.
Lieu da deposit
Las infurmaziuns impurtantas davart Vossa sanadad èn rimnadas en il DEP. Ellas vegnan archivadas en moda segira e na van betg a perder.
Access a Voss documents
Vus sezza/sez pudais prender invista da Voss documents ils pli impurtants da tut temp, senza stuair dumandar explicitamain il permiss per quai.
Documents
Vus pudais cumplettar online ils documents en Voss DEP cun atgnas infurmaziuns. Vus na stuais betg pli tegnair en salv Voss documents en furma da palpiri.
Disponibladad da las infurmaziuns
Las persunas spezialisadas dal sectur da sanadad vegnan svelt ad infurmaziuns impurtantas. Ina dumonda per indicaziuns pli precisas per telefon tar autras spezialistas e spezialists po esser danvanz per ellas.
Barat d'infurmaziuns
Il barat d'infurmaziuns capita sur in deposit digital unitar e segirà.
Access da las persunas spezialisadas dal sectur da sanadad
Vus dirigis tge persunas spezialisadas dal sectur da sanadad che han access a tge infurmaziuns en Voss DEP.
En cas d'urgenza
Cun il DEP èn infurmaziuns impurtantas disponiblas svelt, er sche Vus n'essas betg pledentabla/pledentabel.