Facultativ per la populaziun

Tut las persunas en Svizra pon avrir in DEP. Il DEP è facultativ e gratuit e po puspè vegnir serrà da tut temp. Er sch'el vegn numnà «dossier dal pazient»: per avrir in DEP na ston ins betg esser malsauna/malsaun. Er ina persuna sauna po avrir in DEP.

Obligaziun per instituziuns staziunaras e per medias e medis admess da nov

Tenor la Lescha federala davart il dossier electronic dal pazient (LDEP) vegn il DEP introducì pass per pass ed è obligatoric per las suandantas instituziuns che porschan in tractament staziunar: ospitals acuts, clinicas psichiatricas e clinicas da reabilitaziun, chasas da tgira sco er chasas da parturir.

A partir da l'onn 2022 ston er las praticas da medias e medis admess da nov porscher il DEP.

Facultativ per tut las autras persunas spezialisadas dal sectur da sanadad

Per tut las autras persunas spezialisadas dal sectur da sanadad è la participaziun al DEP facultativa. Quai concerna per exempel medias e medis domiciliads avant l'onn 2022, apotecras ed apotechers, persunas che prestan servetschs da la spitex u fisioterapeutas e fisioterapeuts.