Vegni a savair dapli davart il dossier electronic dal pazient
Cun il DEP survegnis Vus la controlla da Voss documents e pussibilitais a Vossas persunas spezialisadas dal sectur da sanadad in access svelt e simpel ad infurmaziuns impurtantas. Vus essas uschia en il center – era tar il barat d'infurmaziuns.
Avantatgs
Access a Voss documents
Senza il DEP survegnis Vus mo invista en documents medicinals, sche Vus dumandais explicitamain Vossas persunas spezialisadas dal sectur da sanadad lasuenter. Il DEP mida questas rollas.
Controlla da Vossas datas
Vus decidais tgi – auter che Vus – che ha invista en Voss documents. Uschia pudais Vus endrizzar e controllar Voss DEP da tut temp tenor ils basegns actuals.
Infurmaziuns da sanadad segiras en in lieu
Cun ina colliaziun d'internet segira stat il DEP a disposiziun sin tut ils apparats sco computers, tablets u smartphones.
En l'entira Svizra
Il DEP funcziuna en l'entira Svizra, sur ils cunfins chantunals or e tranter ils differents purschiders dal DEP.
Meglra qualitad da tractament
Cun l'access als documents ch'èn relevants per il tractament, s'augmenta la segirezza da las persunas spezialisadas dal sectur da sanadad per ina diagnosa u terapia concreta. Plinavant pon vegnir evitadas controllas dublas.
En cas d'urgenza immediatamain disponibel
Cun il DEP survegnan Vossas persunas spezialisadas dal sectur da sanadad en cas d'urgenza in access svelt a las infurmaziuns impurtantas.
Funcziuns
Conceder il dretg d'access
Vus decidais tge persuna spezialisada dal sectur da sanadad u tge gruppa da persunas spezialisadas dal sectur da sanadad che dastga prender invista da tge documents e durant tge perioda.
Stgalims da confidenzialitad
Voss documents medicinals en il DEP pudais Vus attribuir ad in da trais stgalims da confidenzialitad: «Access normal», «Access limità» u «Secret».
Fixar ina substituziun
Vus pudais tscherner ina persuna che administrescha per Vus il DEP.
Segirezza
En l'entira Svizra ston tut ils purschiders d'in DEP ademplir las medemas prescripziuns giuridicas che cuntegnan grondas pretensiuns da segirezza.
Attest da vaccinaziun
L'attest da vaccinaziun pudais Vus arcunar en Voss DEP – uschia avais Vus dapertut in simpel access a Vossas datas da vaccinaziun.
Attest da donatur d'organs
Vulais Vus fixar en scrit Vossa decisiun davart la donaziun d'organs? Questa voluntad pudais Vus oz arcunar en Voss DEP.
Avrir in DEP.
Co sa collian las persunas spezialisadas dal sectur da sanadad?
Per pudair As participar al DEP, stuais Vus tscherner in purschider dal DEP e percurrer sia procedura d'annunzia.
.svg){kind=logo}